Pada suatu hari di Rumah Sakit Jiwa (RSJ) ada urang gila nang gugur ka sungai, kuciak-kuciak inya minta tulung, tapi kada ada nang manulung inya. Takisah ada kawannya sasama urang gila nang bisa bakunyung manulung inya sampai mambawa inya ka tabing.
Urang gila 1 : "Tarima kasih lah ikam sudah manyalamatkan nyawaku..!" (manggatar kadinginan)
Urang gila 2 : "He eh, kita sasama urang gila harus saling tulung-manulung kawan ai (sambil takurihing)
Takisah isuk harinya datang parawat rumah sakit manjinguk urang gila 2, sambil mamuji wan urang gila 2 karna sudah wani manulung kawannya nang lamas gugur ka sungai.
Parawat : "Beehh, dasar harat ikam ni lah, sudah wani manulung kawan ikam nang lamas di sungai !, tapi kawan ikam nang ikam tulung samalam tu mati, tuh gantung diri di kamar ! (manunjuk ka arah kamar)
Manyahut ai urang gila 2 ni :
Urang gila 2 : "Nintu samalam ulun nang manggantung pa ai supaya lakas karing, ulun kasian lawan inya, sualnya inya samalam kadinginan."
Parawat : ".....???
0 komentar :
Posting Komentar