Takisah ada kakanakan halus nang bangaran Udin handak mancari nini nya di pahumaan. Udin mambawa habar nang buruk gasan nini nya.
Udin : "Nini,, nini... kai maninggal dunia ni ai...."
Nini : "(Sambil takajut malapas cangkul) pabila cu ?"
Udin : "hanyar haja ni ai, "
Nini : "Kanapa jadi maninggal, maka tadi ti sehat haja ?"
Udin : "Kai maninggal bakas tagugur di puhun hanau waktu manyadap ni ai"
Nini : "Innalillahi wa inna ilaihi rajiun" (barubuian banyu mata)
Udin : "Lakasi ha ni ai kita bulikan, buhan kampung sudah manunggui pian di rumah"
Nini : "Hadangi dahulu cu ai, kawakah nini minjam HP ikam satumat ?"
Udin : "Kawa haja ni ai, gasan mahubungi siapa garang pian ?"
Nini : "Kada gasan mahubungi siapa-siapa cu ai, !"
Udin : "Habis pang gasan napa pian ?"
Nini : "Nini handak mambuka FB naram satumat"
Udin : " ....?? Gasan napa jua pian mambuka FB, tuh urang sudah banyak manuggui pian di rumah.."
Nini : "Emmm,, anu cu ai,, nini handak maubah status nini di FB naram nang asalnya MENIKAH jadi LAJANG"
Udin : .....???
0 komentar :
Posting Komentar