Pamulaan takisah di kampung Dadap pina aur sakampungan, asing-asingnya mambarisihi halaman rumah wan mamasang bandira indonesia karna pas hari kamardikaan Indonesia. habis babarasih rumah, takumpulan urang kampung Dadap di gardu bapandiran.
Takisah waktu bakumpulan di gardu, Pambakal kampung ba usul handak marayakan parlumbaan gasan maramiakan hari kamardikaan. "Ui buhannya, kaya apa mun isuk kita marayakan parlumbaan balajuan bukah," ujar pambakal. "Ulun ni akur ja pambakal'ai. apalagi ulun bahari atlit balajuan bukah jua" ujar sambil ba agak maangkat dada.
"Bah pina sumbung banar ikam tu tuh'ai, kalu kaina ikam kalah lawan aku balajuan," ujar nang panas mandangar ucapan Utuh Juhing.
"Kaina kita buktiakan Kai ai di parlumbaan isuk kai ai, siapa nang manang," ujar Utuh Juhing manimpali.
Takisah pas isuknya rami urang kampung bakumpulan di lapangan main bal handak malihat parlumbaan balajuan bukah. "Banyak nya urangnya," ujar Kai Dulhak pina takajut. “Kanapa pian kai ? Takutan kah pian katahuan urang kampung kalah ?” ujar Utuh Juhing mamanasi Kai Dulhak.
Pas waktunya bamulai acaranya, babaris ai peserta nang umpat balajuan bukah tadi, tamasuk di dalamnya Kai Dulhak wan Utuh juhing. “Priiiiit” babunyi paluit nang di tiup pambakal, nang batanda balajuan bukah hudah di mulai.
Langsung si Utuh juhing tancap gas pamulaan, di balakang’nya Kai dulhak mangapung sakuat tanaga. Pas handak garis finish si Kai Dulhak ni kawa mangapung Utuh juhing sahingga pas di finish ba umbai. Kada katahuan siapa nang manang. Barunding ai buhan juri manantuakan siapa nang manang. Pas di umum kan di tantuakan kalunya si Utuh Juhing pamanangnya. “Kanapa jadi si Utuh Pamanangnya ?” ujar Kai Dulhak. Di jalaskan ai kalunya Si Utuh Juhing tadahulu sampai giginya di finish. Umaa liwar sarik Kai Dulhak ni kalah lwan si Utuh gara-gara tadahulu Utuh Juhing sampai garis finish. “Hahaha.. kaya apai Kai, mangaku kalah kah sudah ?” Ujar si Utuh Juhing pina sumbung.
Manggangsing Kai Dulhak mandangar pandiran si Utuh, lalu ai Kai Dulhak mamprutis juri handak di adakan partandingan ulang. Lawas bakarasan, akhirnya juri mangabulakan parmintaan Kai Dulhak.
“bah lih pian ni Kai, kada mau mangaku kalah jua balum ?” ujar utuh Juhing mampakalah Kai Dulhak sambil tatawa gagalahak. “Hadangi ha tuh’ai, ikam pacangan kalah kaina lawan aku” ujar Kai Dulhak manyahuti.
Mulai ai babaris si Kai Dulhak ni lawan Utuh Juhing di garis start. “ Priiiit” babunyi pulang paluit pambakal manandai di mulai balajuan bukah. Harau, Utuh Juhing jauh langsung tancap gas maninggalakan Kai Dulhak jauh banar. “Napa Kai, manggah kah hudah jadi kada kawa mangapung ?” ujar Utuh Juhing bakuriak.
“Awas ha ikam tuh ai, tahu tun ikam kaina” ujar Kai Dulhak Gagarunum dalam hati. Pas si Utuh Juhing handak sampai garis finish, lalu ai si Kai Dulhak Mamacul gigi palsu sidin, langsung di tawak sidin jauh maliwati garis finish. Tanganga Utuh Juhing malihat gigi palsu Kai Dulhak badahulu sampai ka garis finish. Santai Kai julhak bajalan manuju garis finish. Bingung buhan juri lawan Kai Dulhak. “Kai.. kanapa pian pina santai banar ?, Utuh hudah sampai garis finish” ujar buhan juri manakuni Kai dulhak. “Aku santai ja lagi, aku jua manangnya hudah” ujar Kai Dulhak. “Kanapa bisa kaya itu Kai ?” ujar buhan juri.
ujar Kai Dulhak tatawa kilum.
0 komentar :
Posting Komentar