Takisah ada 26 ikung urang gila, buhannya ni handak di uji kasihatan mintalnya di Amerika. Buhannya diangkut pakai pasawat Hercules nang ganal ! Pas sampai di atas, buhan urang gla ni pina abut banar karna buhannya main bal di dalam pasawat.
Sang kapten ni basasarik kamudian manyuruh co-pilot supaya mananangakan buhan urang gila. "Uiii ! Abutnya pang buhan ikam ni ! Main bal jangan di dalam pasawat !!!", basasarik co-pilot lawan buhan urang gila.
Akhirnya situasi manjadi tanang hudah. Tapi lawas kalawasan si kapten ni curiga karna situasinya talalu tenang. Kapten ni manyuruh co-pilotnya pulang supaya mamariksa ka balakang. Pas co-pilot datang, inya takajut satangah mati atawa takajut satangah hidup ! Urang gilanya tinggal 4 ikung haja lagi !!!
"Ui buhannya! Kanapa buhan ikam tinggal ba ampat ja lagi ? Nang lain ka mana an ?"
"Ujar pian kada bulih main bal di dalam pasawat pang, jadi buhannya main bal di luar ai."
"hah ? Tarus, kanapa buhan ikam bisa ada di dalam pasawat masih ?"
" Kami pamain cadangan pa ai..."
0 komentar :
Posting Komentar