Home » » Kisah Anang Wan Bos Ipul

Kisah Anang Wan Bos Ipul

Bos Ipul : "Nang, ikam kalunya bagawi kanapa kada suah ruus ?. Aku manyuruh ikam nukar 5 biji hintalu haja, kanapa ikam bulak-balik ka warung 5 kali. mun nya kaina jangan kaya itu lagi lah ?"
 
Anang : "Inggih bos ai" ( sambil baunggut ).

Imbah babarapa hari kamudian bos Ipul ni garing, disuruh ai si anang ni maambili TUKANG URUT . Tapi pas si Anang datang, bos Ipul takajut, karna pas anang datang kada mambawa tukang urut haja, tapi banyak jua urang lain nang di bawanya. 

Batakun ai bos Ipul :

Bos Ipul : "Nang, kanapa jadi kaya ini ?, aku manyuruh ikam maambili tukang urut haja, kanapa banyak banar urang lain di sini?"
Anang: "Nah, Pian jua kalu nang manyuruh ulun kalu bagawian tu harus ruus ?"
Bos Ipul : "He eh, tapi napa hubungannya lawan urang-urang ni?"

Anang : "Pian manyuruh ulun maambili tukang urut kalu, nah, tukang urut ni kada bisa kalu maulah ubat, makanya ulun bawa jua TUKANG TATAMBA KAMPUNG, nah, tukang tatamba kampung ni kalunya handak maulah ubat parlu bahan-bahannya, makanya ulun bawa jua TUKANG JUALAN BAHAN-BAHAN UBAT, tarus bahan-bahan ubat nitu harus dimasak dahulu, nah, ulun bawa jua TUKANG KAYU , kalu ubatnya hudah jadi, tarus pian minum ubatnya, iya kalunya pian wagas bos ai, kalunya pian mati naram kaina, makanya ulun bawa ai jua TUKANG TABUK KUBUR."

Bos Ipul : .... ?
SHARE

About Tagantar Dot Com

2 komentar :

  1. Sudah join nuffnang churp2? Jom join http://www.churpchurp.com/ainman/share/churpchurp-invite

    BalasHapus
  2. bos nya galak amat ya
    masalah sepele sampai gtu ,,

    BalasHapus